The Mindat Post
၁၃ သြဂုတ်၊ ၂၀၂၃၊ မင်းတပ်
မင်းတပ်မြို့နယ်အတွင်း သြဂုတ်လအစောပိုင်းကနေ မိုးများပြီး လေပြင်းတိုက်ခတ်မှုတွေကြောင့် ဖြစ်ပွားတဲ့ မြေပြိုပြီး လမ်းပျက်စီးတာတွေကို ၁ ပတ်အတွင်း ပြန်လည်ပြုပြင်ပြီးစီးခဲ့တယ်လို့ (မြို့နယ် ပအဖ) က ဒီနေ့ အသိပေးလာပါတယ်။
လက်ရှိ မင်းတပ်မြို့နယ်မှာ ရာသီဥတုဆိုးရွားပြီး ရေကြီး၊ မြေပြိုမှုတွေ ဆက်တိုက်ဖြစ်နေတာပါ။
မိုးများပြီး လေပြင်းတိုက်ခတ်တာကြောင့် မင်းတပ် – မတူပီမော်တော်ကားလမ်းပေါ်က မြေပြို၊ လမ်းပိတ်မှုတွေကို အချိန်နဲ့တပြေးညီ တုံ့ပြန်ဆောင်ရွက်ခဲ့တာလည်း ဖြစ်ပါတယ်။
ပြည်သူ့ အခွန်ဘဏ္ဍာငွေကို ဘဏ္ဍရေးဘုတ်အဖွဲ့ရဲ့ ဘဏ္ဍာရေးစည်းမျဥ်း လုပ်ထုံးလုပ်နည်းတွေနဲ့အညီ စီမံခန့်ခွဲနေတယ်လို့လည်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့ရဲ့ ဒီနေ့ ကြေညာချက်မှာ ဖော်ပြထားပါတယ်။
အမျိုးသားညီညွတ်ရေးအစိုးရ သဘာဝဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနနဲ့ စစ်ကောင်စီ (မိုးဇလ) ရဲ့ သတင်းထုတ်ပြန်ချက်တွေအရ ချင်းပြည်နယ်မှာ လာမယ့်ရက်သတ္တပတ်အထိ နေရာကွက်ကြား မိုးထစ်ချုန်းရွာသွန်းမယ့်အနေအထားမှာ ရှိနေပါတယ်။
========
ဓာတ်ပုံ အညွှန်း – မင်းတပ် – မတူပီနယ် မော်တော်ကားလမ်းပိုင်း မြေပြိုမှုနှင့် ပြန်လည်ပြုပြင်မှုအား ၂၀၂၃ သြဂုတ်လအတွင်းက တွေ့ရစဉ်။ (Photo: MTPA/The Mindat Post)
#themindatpost #mindattownship #weathernews
Leave a Reply