ကျောက်ထု/ဂုံဘို - ပန်းဆန် ယောချောင်းတံတား (ပန်းဆန်ဘက်ခြမ်း) ပြိုကျနေ /ကားများ သွားလာ၍ မရ ဟုဆို

~~~~

The Mindat Post

စက်တင်ဘာ ၁၄ ၊ ၂၀၂၄

ပြီးခဲ့တဲ့ ရက်သတ္တပတ် တွေအတွင်း မိုးအဆက် မပြတ်ရွာ သွန်းမှုကြောင့် မကွေးတိုင်း ကျောက်ထု မြို့နယ်ထဲက ယောချောင်းတံတား (ပန်းဆန်ဘက်ခြမ်း) ပြိုကျနေပြီး ကားတွေ သွားလာ၍ မရတော့ဘူးလို့ ယောအလင်းတန်း လူမှုကွန်ရက် စာမျက်နှာမှာ ဖော်ပြထားပါတယ်။

“ကျောက်ထုမြို့ ဂုံဘို – ပန်းဆန် ဆက်သွယ်ထားတဲ့ ယောချောင်းတံတား (ပန်းဆန်ဘက်ခြမ်း)ဟာ ယောချောင်း ရေတိုက်စားမှု့ကြောင့် ပြိုကျနိမ့်ဆင်းနေတယ်လို့သိရပါတယ်ခင်ဗျာ။” လို့ အဆိုပါ လူမှုကွန်ရက် စာမျက်နှာဖော်ပြချက်မှာ ရေးသားထားတာပါ။

လက်ရှိအချိန်မှာ ချောင်းရေအနည်းငယ် ကျလာပြီ ဖြစ်ပေမယ့် အချိန်မရွေး

ပြိုကျ သွားနိုင်တာကြောင့် ကျောက်ထုမြို့နဲ့ အနီးတဝိုက် ဖြတ်သန်းသွားလာတဲ့ မိဘပြည်သူများအနေနဲ့ တံတား ပေါ်ကနေ ဖြတ်သန်း သွားလာမှုကို အထူးဂရုစိုက်ကြဖို့လည်း ယောအလင်းတန်း က ဆိုပါတယ်။

လက်ရှိအချိန်မှာတော့ တံတားပေါ်ကနေ ဆိုင်ကယ် ဖြတ်သန်းသွားလာလို့ ရနေသေးပြီး ကားကြီး ကားငယ် တွေ ဖြတ်သွားလို့ မရတော့ဘူးလို့ ဆိုပါတယ် ။

အဆိုပါ တံတားဟာ မိုးတွင်းမှာ အခုလို ပျက်စီးလေ့ရှိပြီး ဆောက်လုပ်လက်စ တံတား ရှိနေပေမယ့် နိုင်ငံရေး မတည်ငြိမ်မှုတွေ ကြောင့် တံတားဆောက်လုပ်မှု ရပ်နားထားရတဲ့ အခြေအနေ ဖြစ်တယ်လို့ ကျောက်ထု ဒေသခံတွေ ထံက သိရပါတယ် ။

ပြီးခဲ့တဲ့ ရက်ပိုင်းတွေ အတွင်းက မြန်မာနိုင်ငံ နေရာအနှံ့အပြားမှာ မိုးအဆက် မပြတ်ရွာသွန်းနေတာ ကြောင့် ချင်းပြည်နယ် ၊ မကွေးတိုင်း ၊ ပဲခူးတိုင်း ၊ မန္တလေးတိုင်း ၊ ရန်ကုန်တိုင်း ၊ စစ်ကိုင်းတိုင်း ၊ ရှမ်းပြည်နယ် ၊ ကရင်ပြည်နယ်

စတာတွေမှာ ရေကြီး မြေပြိုတာတွေ ဖြစ်နေပြီး စစ်ကောင်စီ ဘက်ကတော့ လေကြောင်းတိုက်ခိုက်မှုတွေ အဆက်မပြတ် လုပ်ဆောင်လျက်ရှိနေပါတယ် ။