~~~~~
The Mindat Post
နိုဝင်ဘာ ၈ ၊ ၂၀၂၂
ချင်း အမျိုးသား တပ်ဦး/ချင်းအမျိုးသား တပ်မတော် CNF/CNA ဌာနချုပ် တည်ရှိရာ Camp Victoria ကို စစ်ကောင်စီက လေကြောင်းတိုက်ခိုက်မှု ပြုလုပ်ရန် စီစဉ်နေတဲ့ ပစ်မှတ် စာရင်းဓါတ်ပုံတွေ လူမှုကွန်ရက်မှာ ပျံ့နှံ့လာပါတယ်။
အဲဒီဓါတ်ပုံတွေကို ချင်းလူ့ အခွင့်အရေးအဖွဲ့ (CHRO) က ၎င်းတို့ရဲ့ Twitter စာမျက်နှာမှာ ပစ်မှတ်စာရင်း ဓါတ်ပုံတွေနဲ့ အတူ ဖော်ပြထားတာ ဖြစ်ပါတယ်။ ဓါတ်ပုံတွေထဲမှာ Google Map/စစ်သုံးမြေပုံ/ကင်းထောက်လေယာဉ်တွေကနေ ရယူထားတဲ့ Camp Victoria တည်ရှိရာ မြေမျက်နှာပြင် အနေအထား အညွှန်းနံပါတ်တွေ ဖော်ပြထားပါတယ်။ အလားတူ လေကြောင်း တိုက်ခိုက်မှု ပြုလုပ်တဲ့အခါ ဦးစားပေးတိုက်ခိုက်ဖို့ ရည်ညွှန်းပုံရတဲ့ အင်္ဂလိပ်အက္ခရာအချို့နဲ့ နံပါတ်စဉ်တွေပါရှိတာ တွေ့ရပါတယ်။
ယမန်နေ့ နိုဝင်ဘာလ ၈ ရက် နေ့ မှာ စစ်ကောင်စီက ဟားခါး၊ ထန်တလန် နယ်စပ် သီးမစ်ဒေသကို လေကြောင်းနဲ့ တိုက်ခဲ့ပါတယ်။
ပြီးခဲ့တဲ့ နို၀င်ဘာ ၁ ရက် နေ့ နဲ့ ၂ ရက်နေ့တွေမှာလည်း စစ်ကောင်စီပိုင် ကင်းထောက် လေယာဉ်တွေဟာ ထန်တလန်မြို့နယ်နဲ့ ချင်းအမျိုးသား တပ်မတော် (CNA) ဌာနချုပ် Camp Victoria ပတ်ဝန်းကျင်တွေမှာ ကင်းထောက် ပျံသန်းခဲ့တယ်လို့ သိရပါတယ်။
#themindatpost#whatshappeningnowinmyanmar#chinstate#cnf_cna#CampVictoria#airstriketarget#လေကြောင်းပစ်မှတ်
Leave a Reply